Реал Мадрид го продолжи договорот со Серхио Чачо Родригез на уште една сезона. Вчера договорот со „кралскиот“ клуб го продолжи и Руди Фернандез, и Реал Мадрид нема намера да се откаже од двајцата искусни кошаркари.
Искусниот плејмејкер на Реал, имаше голем придонес во освојувањето на Евролигата на тимот минатата сезона. Тој изнесе голем дел од одговорноста заедно со Еди Таварез и Серхио Љуљ, за нова шампионска титула на „кралевите“ во Европа.
Чачо минатата сезона одигра 40 меча во Евролигата, од кои само три како стартер, и имаше просек од 4,9 постигнати поени. И покрај бројните критики од шпанската јавност, кога беше најпотребно тој ја заврши работата, и така Реал стана европски првак.
— Real Madrid Basket (@RMBaloncesto) July 12, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
