Еуфоричен беше Маркос Рохо по последниот свиреж на судијата Чакир, и тоа со право откако дефанзивецот со прекрасен погодок донесе триумф на „гаучосите“ што значеше и пласман во осминафиналето од мундијалот.
„Знаев дека ќе дадам гол, имав неверојатно претчувство. Им кажав на Банега и на Отаменди, прашајте ги… Имаме право да бидеме среќни, заслужуваме осминафинале. Ова е само почеток… напред Аргентина“ – порача Рохо веднаш по натпреварот.
Во осминафиналето Аргентинците ги очекува нов сериозен предизвик, на 30 јуни ќе ги одмерат силите со селекцијата на Франција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
