Ливерпул и Манчестер Јунајтед одиграа атомско второ полувреме во дербито во кое конечните 2-2 се чини беа и најреален резултат со оглед на случувањата на теренот.
Се играше во високо темпо, но еден од најслабите поединци на теренот неочекувано беше Трент Александер Арнолд, десниот бек на „црвените“ кои беше далеку од посакуваната форма, за што доби жестоки критики од легендарниот капитен на Манчестер Јунајтед, Рој Кин.
„Дали го видовте Трент и неговата игра? Тој со ваква одбрана може да игра само за Транмере, не за Реал Мадрид, видовте ли како се движеше по теренот“, критичен беше Рој Кин.
Она што е уште поинтересно, Кин изјавата ја даде на паузата меѓу двете полувремиња, а Трент продолжи со слабата игра и во вториот дел, па двата гола на гостите паднаа од делот каде тој требаше да помага во одбраната на „црвените“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
