Станислас Вавринка рутински го стартуваше својот настап на Ролан Гарос, триумфирајќи на првиот дуел во кој за противник го имаше Јозек Ковалик од Словачка. Швајцарскиот тенисер, кој стигна до титулата на овој гранслем турнир во 2015 година, работата ја заврши за три сета, триумфирајќи со 6-2, 7-6, 6-3. Ковалик пропушти можност да се врати во вториот сет, кога не искористи две сет-топки, по што Вавринка славеше со 8-6, за потоа рутински да си ја одработи задачата со 6-3 во третиот сет.
Следен противник на швајцарскиот ас ќе биде Алекс Долгополов, кој славеше со 3-0 против Французинот Берлок.
Својот настап на Ролан Гарос неочекувано уште во првото коло го заврши настапот Алекс Зверев. Младиот Германец, кој пред петнаесетина дена го освои Мастерс-турнирот во Рим, денеска загуби со 1-3 од Фернандо Вердаско.
Хуан Мартин дел Потро лесно стигна до второто коло, откако со максимални 3-0 (6-2, 6-1, 6-4) со совлада Пелја, како и Киргиос, кој со 6-3, 7-6, 6-3 славеше против Филип Колшрајбер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
