Верона не успеа да се спаси од Рома, „волчицата“ со гол во финишот дојде до победа во рамки на последниот меч со кој се комплетираше италијанската Серија А, 1-3.
Домаќините први го отворија мечот, откако Давидович погоди за водство во 27. минута. Сепак, истиот играч им ја отежна работата на неговите колеги, кога во 36.минута направи груб старт за директен црвен картон. До крајот на полувремето РОма напаѓаше со сите сили, а ваквиот пристап кон играта го награди Ѕаниоло во 45+2′ минута за на пазуа да се замине со 1-1.
Фудбалерите на Мурињо ја презедоа контролата над мечот во вториот дел, а домаќините „пукнаа“ буквално во последните минути, кога Волпато 88. стрелаше за 1-2. Конечниот резултат го запиша Ел Шарави во 90+2 минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
