Освојувачот на премиерното издание на „најмладото“ европско фудбалско натпреварување Конференциската лига, италијанската Рома со победа ги стартуваше подготовките за новата сезона.
Момците на Жозе Мурињо во првиот подготвителен натпревар пресрет новата фудбалска сезона славеше над англискиот Сандерленд со 2-0. Првото полувреме заврши без постигнати голови, а водство за „римската волчица“ од 1-0 донесе Афена-Гијан во 75. минута.
Конечните 2-0 ги постави Николо Заниоло само пет минути подоцна. Калчолигашот до крајот на подготовките го очекуваат дуели и против португалските Портимоненсе и Спортинг Лисабон, како и Ница, Тотенхем и Шахтјор Доњецк.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
