Ракометната репрезентација на Романија одигра реми 29-29 против Германија во последниот контролен натпревар пред Европското првенство кое од 4. до 20. ноември ќе се игра во Македонија, Словенија и Црна Гора.
Првото полувреме помина во егал на двете страни, а за нијанса подобри беа Романките кои на пауза заминаа со минимална предност од 15-16. Во вториот дел продолжи израмнетата игра, а за разлика од првите 30 минути, во вторите Германките беа за гол подобри, па на крајот натпреварот заврши реми (29-29).
Европското ракометно првенство стартува на 4. ноември. Романија првиот меч ќе го одигра со репрезентацијата на Холандија на 5. ноември, додека во последното коло од групната фаза кое ќе се игра на 9. ноември, Романките ќе се сретнат со репрезентацијата на Македонија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
