Кристијано Роналдо имаше уште една супер партија во Саудиска Арабија, откако постигна три гола а 25 минути во победата на неговиот Ал Наср со 0-3 над Дамак.
Сите голови Португалецот ги постигна во првиот дел, и тоа од 18. до 44. минута. Најпрво во 18. минута погоди од белата точка, а потоа по една акција во 23. минута го зголеми резултатот. Во 44. минута исто така по акција зголеми на 0-3, и тоа беше конечен резултат. Во вториот дел постигна и четврти гол, кој му беше поништен.
Тој го одигра целиот меч и ја носеше капитенската лента. Со овие три Роналдо стигна до бројката осум гола, и сега е пет зад водечкиот стрелец Талиска. Ал Наср со оваа победа се искачи повторно на врвот на табелата во С. Арабија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
