Кристијано Роналдо и Лионел Меси заминуваат во историјата, вака барем сведочи статистиката објавена од Институтот за спортски науки „ЦИЕС“, кој објави листа на фудбалери кои имаат најголема парична вредност во светот.
Списокот е базиран врз основа на повеќе фактори, така што годините се многу важни и затоа нема легенди како Португалецот или Аргентинецот.
Убедливо највреден во моментов е Килијан Мбапе, Французинот вреди дури 205,6 милиони евра, па може да се замисли колку ќе добиеше само Реал доколку го потпишеше без обештетување.
На второто место се наоѓа Винисиус Јуниор со 185,3 милиони. На играчот на Реал му порасна цената по одличната сезона, која ја круниса со победнички гол во финалето на Лигата на шампионите. Третата позиција ја зазема Ерлинг Халанд, кој моментално има пазарна вредност од 152,6 милиони евра.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
