Кристијано Роналдо по повеќе од 20 години доминација во европскиот фудбал заплива во „интернационалните“ води и во иднина ќе го носи дресот на Ал-Наср. Во Саудиска Арабија португалскиот ас доаѓа како слободен играч откако беше отпуштен од Манчестер Јунајтед за рекордна сума која го прави најплатениот фудбалер во светот.
На официјалното претставување во Ријад 37-годишникот изјави дека тоа е крај на неговата кариера во Европа каде освоил се што може да се освои, а додаде и дека покрај големиот број на понуди се одлучил за таа на саудиците бидејќи ќе има и друга, поголема улога.
„Многумина не знаат, но јас имав понуди и од други клубови во Европа, од Бразил, Австралија, САД па и во Португалија, но јас го дадов својот збор за овој клуб. Имам можност за развој не само на фудбалот, туку и на сите други аспекти на оваа прекрасна земја. Знам што сакам и мислам дека имам што да понудам со моето знаење и моето искуство. Сакам да помогнам и на женскиот клуб и сакам да дадам една друга визија за оваа прекрасна земја. Затоа сум тука и затоа ја прифатив оваа понуда“, вели Роналдо.
„Јас не ставам крај на кариера во Саудиска Арабија. Многу луѓе зборат и даваат мислење, но не знаат ништо за фудбалот. Фудбалот во последните 10, 15 години е различен. Сите тимови се подготвени и тоа го видовме на Светското првенство. Единствениот тим кој успеа да го победи шампионот беше Саудиска Арабија, да не заборавиме на тоа. Имаше и други изненадувања како Јужна Кореја, афричките држави, Коста Рика беа добри. Фудбалот евулира. Тука првенството е доста компетативно, луѓето не знаат за тоа, но јас гледав натпревари и се надевам дека ќе играм уште утре ако ми дозволи тренерот“
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
