Еден од најдобрите фудбалери во историјата, Кристијано Роналдо при залезот на својата богата кариера зад своето име остави голем број на рекорди. Некои од нив тешко дека ќе се надминат.
Еден од тие е и бројот на постигнати голови. Поранешниот ас на Спортинг, Манчестер Јунајтед, Реал Мадрид, Јувентус и Ал Наср е рекордер со 908 постигнати голови, а еднаш изјави дека целта му е да го надмине четирицифрениот број. Сега размилсува поинаку…
„Да бидам искрен, тоа е моја вина. Јавно кажав дека сакам да постигнам 1000 голови и сега испаѓа дека тоа ми е единствената цел. Целта ми е да живеам во моментот и да видам како ќе ми реагираат нозете. Ако стигнам до 1000 одлично. Ако не, и вака никој не постигнал повеќе голови од мене. Не можеме да размислуваме долгорочно, јас веќе не можам. Тоа е се. Живеј во моментот и уживај“, изјави Роналдо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
