Ери Бејли, кој како фудбалер на Манчестер јунајтед оваа есен е на позајмица во Олимпик Марсеј, во интервју за „Л’Екип“ открива дека бил воодушевен од голем број извонредни фудбалери во Манчестер, но не и од Роналдо.
„Ако мора да зборувам за сите фудбалери кои ме воодушевуваат од Манчестер јунајтед, тогаш ова интервју никогаш нема да го завршиме. Има неверојатни таленти, и млади и стари. Навистина ме воодушевува некој како Маркус Рашфорд, но и Ентони Марсијал“ – вели репрезентативецот на Брегот на слоновата коска кој не сакаше тука да го спомне Роналдо.
Бејли и Роналдо играа заедно минатата сезона, но вели дека нема некој посебен впечаток за него. Сето тоа е уште еден низок удар за Португалецот кој не е ниту сенка на ѕвездата од пред неколку години.
Сега повторно е активирана приказната за заминувањето на Роналдо од „Олд Трафорд“ во јануари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
