Кристијано Роналдо по три години поминати во Јувентус замина од „старата дама“ и се врати во Манчестер Јунајтед каде ја стекна и најголемата фудбалска слава предводејќи го клубот во периодот од 2003 до 2009 година.
Роналдо кој стигна во Торино како огромно засилувањe и воедно последна коцка во сложувалката за остварување на големиот сон – титула во Лигата на Шампионите, не успеа во своите намери. И покрај тоа Португалецот во опростувањето со Јувентус напиша дека фантастична приказна.
„Денеска заминувам од еден прекрасен клуб, најголемиот во Италија и сигурен еден од најголемите во Европа. Ги дадов срцето и душата за Јувентус и градот Торино ќе го сакам до мојот последен ден. Тифосите отсекогаш ме почитуваа и јас се обидов да ја вратам таа почит со борба во секој натпревар, секоја сезона, во секое натпреварување. На крајот, можеме да погледнеме наназад и да видиме дека остваривме големи нешта. Не се што сакавме, но напишавме убава приказна заедно.
Јас секогаш ќе бидам еден од вас. Сега и вие сте цел од мојата историја, како што и јас се чувствувам дека сум дел од вашата. Италија, Јувентус, Торино, тифоси, секогаш ќе бидете во моето срце“, напиша Роналдо на својот Инстаграм профил.
View this post on Instagram
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
