Кристијано Роналдо се најде во центарот на вниманието откако пред белградскиот аеродром не издвои ниту минута за да се запознае со детенце кое држеше транспарент „Кристијано, минав 1300 километри за да земам автограм од тебе“. Дел од медиумите го критикувааа Португалецот за ваквиот однос, но денеска беше обелоденето дека големиот ас сепак ја поправил грешката и се сретнал со малиот Борис.
Детето кое е родено во Полска допатувало во Белград со својот татко Лукаш, кој во изјава за „Танјуг“ откри дека во хотелот каде биле сместени Португалците големата фудбалскаа „ѕвезда“ ја исполнило желбата на неговиот син.
„Често доаѓаме во Белград, ова ни 15. пат. Знаеме колку е тешко да се стигне до Роналдо, особено во време на пандемија, но ние успеавме. Борис доби заедничка фотографија со Роналдо, негов автограм и сувенис – топка потпишана од сите репрезентативци на Португалија“, изјави Лукаш.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА