Кристијано Роналдо има само пофални зборови за новиот тренер Маурицио Сари, под чие водство Јувентус влезе во победнички ритам и се искачи на чело на калчолигашката табела.
„Со Алегри бевме одличен тим, но под водство на Сари сега сме уште подобри. Стилот на игра е подобрен, играме поофанзивно, а јас лично имам поголема слобода во движењето. Сепак, сезоната е долга и мораме да играме најдобро што знаеме. Во однос на претходната сезона создаваме повеќе шанси, што како напаѓач сигурно многу повеќе ми одговара“ – изјави Роналдо.
Следен предизвик за „старата дама“ ќе биде утрешниот домашен натпревар од Лигата на шампионите против Локомотив Москва.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
