Кристијано Роналдо повеќе од лошо ја прифатил одлуката за заминување на Зинедин Зидан од Реал Мадрид, пренесуваат шпанските медиуми.
Според пишувањето на еден од највлијателните шпански новинари, Марко Хесус Санчез, Роналдо за оваа одлука на Зидан дознал на својот одмор, па исклучително негативно ја примил веста. Па сега, пишува Санчез, врската на Роналдо со Реал Мадрид е уште послаба, по заминувањето на Зидан кого португалскиот фудбалер исклучително го почитувал.
Роналдо и претходно, повеќе или помалку, го навести заминувањето од клубот а сега прашањето е дали заминувањето и на Зидан е капката која дефинитивно ја „прелива чашата“!?
Она што Португалецот сака да го направи очигледно е да ја следи постапката на францускиот стратег. Да замине од клубот тогаш кога е на врвот!?
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
