На спектакуларна церемонија во Дубаи вчера беа доделени наградите „Супер глоуб“. Во преден план беа сегашниот и поранешниот ас на Реал Мадрид Винициус Жуниор и Кристијано Роналдо.
Винициус ја доби наградата за најдобар фудбалер, откако претходно ја освои и наградата на ФИФА „Д бест“. Тоа е негова отштета за „Златната топка, која и покрај најавите дека е практично негова, не заврши во рацете на Бразилецот, туку во рацете на Родри.
Награда доби и Кристијано Роналдо за најдобар стрелец на сите времиња. А ја доби и наградата за најдобар фудбалер на Блискиот Исток. Тој говереше дека Вини заслужил да ја освои и „Златната топка“.
„Вини ја заслужи Златната топка, според мене. Мислам дека беше реално. Затоа многу повеќе ја преферирам оваа награда, која е поправедна“, изјави Роналдо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
