Кристијано Роналдо го шокира фудбалскиот свет и се врати во Манчестер Јунајтед, по три години во италијански Јувентус.
Португалецот сака да освојува трофеи, а моментално со англискиот гигант не е во конкуренција да се надигрува со најдобрите во Премиер лигата. Потенцијалните неуспеси нема да ги задоволат неговите спортски апетити, но ќе го остават и без дел од платата која ја добива на „Олд Трафорд“.
Според „Њујорк Тајмс“, португалскиот фудбалер ќе остане без 25% од неделните примања, ако неговата екипа не се пласира во Лигата на шампионите следната сезона. Тој заработува 570.000 евра неделно, а таа сума би паднала на 360.000 евра, ако Јунајтед не се пласира на првите четири места на табелата во англиското првенство.
Очигледно е незадоволството на Роналдо од формата во која играат „црвените ѓаволи“. Неодамна испрати јавна критика кон помладите соиграчи, поради што дополнително влијаеше врз атмосферата во соблекувалната, пренесуваат англиските медиуми.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
