Кристијано Роналдо предизвика бура со изјавата дека француската лига е премногу слаба и со квалитетот заостанува зад шампионатот на Саудиска Арабија, каде моментно настапува португалската суперѕвезда.
Тој веќе доби одговор од неколку различни страни, а поранешниот дефанзивец Адил Рами беше меѓу најжестоките во пораките до Роналдо.
„Исклучително го ценам Кристијано Роналдо како играч, но тоа што има врвна кариера не значи дека се што ќе каже е вистина. Конкретно, она последното што го кажа, кога ја споредуваше француската лига со онаа во Саудиска Арабија, тоа е чиста глупост од негова страна. Сакате ли да ви покажам фотографии од дефанзивците во Саудиска Арабија што треба да го чуваат Роналдо? Не знам зошто воопшто кажа таква работа, треба да му е јасно дека ако на овие години играше во Франција ќе настрадаше, дефанзивците во нашата лига жив ќе го изедеа“, му порача Рами на Роналдо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
