Поранешниот прв човек на германскиот гигант Баерн Минхен, Карл Хајнц Румениге изрази голема загриженост од најавите за нов бомбастичен трансфер и заминување на Кристијано Роналдо од Јувентус, откако во последниве денови италијанските медиуми жестоко најавуваат негово заминување од „старата дама“.
Јувентус наводно ставил откупна отштета од 25 милиони евра, а Роналдо сака да си замине, но „проблематични“ се неговите 35 милиони евра годишна плата и токму поради тоа Румениге побара УЕФА итно да преземе нешто.
„Тоа што Роналдо би заминал не е некој проблем, проблемот е неговата плата. Заработува 35 милиони евра, што значи треба да издвоите 70 милиони евра бруто. И кој тоа може да си го дозволи? ПСЖ? Можеби некои англиски клубови? Ова не е здраво, ниту вистински начин за напредок. УЕФА мора нешто да направи, мора некако да интервенира. Потребна е регулација на цената, зашто трошоците само растат и ако нешто не се направи во фудбалот, нѐ чекаат многу тешки времиња“, вели Румениге.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
