Русија е на чекор до плсман на Светското првенство во Катар откако во претпоследното коло од групната фаза славеше со преубедливи 6-0 над Кипар. Голеадата на „Газпром Арена“ започна во 4. минута со голот на Ерокхин, а продолжи во 55, 56, 62, 82 и 87 минута за нови три бода.
Русите можат да го осигураат првото место во групата „Х“ уште вечерва доколку Хрватска ремизира или загуби од Малта.
Шведска испушти шанса да ги заследи стапките на Русија откако загуби на гостувањето против Грузија со 2-0. Грузиците поведоа во 61. минута од мечот со голот на Кваратскелија, а истиот играч донесе и двојна предност во 78. минута од мечот.
Шокантниот пораз за Швеѓаните носи шанса за Шпанија за избие на првата позиција на табелата „Б“ доколку вечерва слави на гостувањето против Грција.
Луксембург ја запиша третата победа во групната фаза откако славеше на гостувањето кај Азарбеџан со 1-3 во натпревар без резултатски императив. Откако мрежите мируваа во првото полувреме Родригез ги доведе гостите до предност во 67. минута, а 11. минути подоцна Тил ја зголеми предноста на 0-2. Салахли ја намали негативата во 83. минута, а конечниот резултат го постави Родригез во 91. минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА