Репрезентацијата на Русија го освои третото место на Европското првенство во футсал, кое се игра во Љубљана, Словениоја. Во малото финале, Русите беа подобри од селекцијата на Казахстан, победувајќи со 1-0. Стрелец на победничкиот погодок беше натурализираниот играч Едер Лима, во 29.минута од натпреварот.
Јунак на мечот сепак беше голманот на Русија, Георги Замтарадзе, кој одлично бранеше на голот на „зборнаја“ и не дозволи да се тресе неговата мрежа.
Големото финале се игра вечерва во салата „Стожице“, а ќе се сретнат Португалија и Шпанија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА