Рускиот борец Магомед Анкалаев е новиот шампион на УФЦ во полутешка категорија, откако во Лас Вегас го победи Бразилецот Алекс Переира на поени.
Тоа е епилогот од најголемиот спектакл одржан во престолнината на коцката синоќа наречен „УФЦ 313“ . Ова беше четврта одбрана на појасот за Переира од преземањето во ноември 2023 година.
Двајцата борци покажаа извонредна тактика, издржливост, неверојатна сила, подготвеност и умешност во речиси рамноправен натпревар. На крајот, одлуката за победникот беше донесена по едногласната одлука на судиите кои му ја доделија на момчето од Дагестан (49-46, 48-47, 48-47).
Пред борбата Русинот беше прогласен за аутсајдер, но тактички одлично ја подготви борбата и влезе во борба со фаворизираниот Бразилец. Веќе во текот на втората рунда имаше можност да го нокаутира својот ривал, но Переира ги издржа налетите на Дагестанецот и успеа да остане на нозе до крајот на петтата рунда.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
