Руската тенисерка Дарија Касаткина, 12-та на ВТА ранг-листата, објави дека во иднина ќе ја претставува Австралија откако австралиската влада го прифати нејзиното барање за постојан престој.
Касаткина се натпреваруваше на ВТА турнирите како неутрална спортистка откако на руските и на белоруските играчи им беше забрането да се натпреваруваат под нивните знамиња поради руската инвазија на Украина во 2022 година. Касаткина, која не се врати во Русија повеќе од две години откако откри дека е хомосексуалец и беше една од ретките руски спортистки што јавно зборуваше против војната во Украина.
„Австралија е место што го сакам, тоа е место каде што се чувствувам како дома“ – напиша таа во пораката објавена на Инстаграм.
„Сакам да бидам во Мелбурн, возбудена сум… Секогаш ќе имам почит силно ценејќи ги моите корени, но возбудена сум што ќе го започнам ова ново поглавје во мојата кариера и живот под австралиското знаме“ – рече таа и додаде дека веднаш ќе почне да ја претставува својата нова татковина.
27-годишната девојка има освоено осум ВТА титули, а нејзиниот најдобар резултат на Грандслем турнир е пласманот во полуфиналето на Ролан Гарос во 2022 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
