Белоруската тенисерка Арина Сабаленка се пласираше во финалето на турнирот од серијата 1.000 во Мадрид победувајќи ја во полуфиналето Елина Свитолина, со 2-0 во сетови – 6-3, 7-5.
Светската тенисерка број еден стигна до своето трето едноподруго финале на ВТА 1.000, како и до своето трето едноподруго финале во Мадрид. Таа ќе ја брка својата 20-та титула во сабота против Коко Гоф, која претходно ја победи Ига Швјонтек.
Ова беше петта победа на Арина во шест натпревари против Елина, и тоа со мали тешкотии. Белорусинката го доби првиот сет без поголеми проблеми, а потоа вториот го започна со брејк.
Финалето во Мадрид е закажано за утре (сабота) во 18:30 часот. Тоа ќе биде десетта средба меѓу Белорусинката и Американката, а Гоф моментално води со 5-4 во победи.
Aryna Sabalenka defeats Svitolina 6-3, 7-5 to reach the final in Madrid! 🔔@SabalenkaA | #MMOPEN pic.twitter.com/yYJ0tdXTMF
— wta (@WTA) May 1, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
