Најдобрите тенисерки на денешницата, Арина Сабаленка и Ига Швјонтек беа казнети со одземање поени од светската листа. На Белорусинката и беа одземени 520 поени, а на Полјачката 508. Во исто време, треба да се напомене дека ова бришење на поени не се должи на неодбрана на минатогодишните поени, туку како казна.
Ова е последица на новото правило на ВТА турнејата – почнувајќи од оваа година, секоја тенисерка има задолжителни шест натпревари на ВТА 500 – Сабаленка играше само три, а Швјонтек четири. Минатата недела се одигра последниот турнир од овој ранг – во Токио – немаше корекција и следеа казни.
Од минатата година, бројот на ВТА 500 турнири е зголемен на дури 19, зголемени се и наградните фондови, но е воведена и оваа обврска, бидејќи организаторите се плашат дека најголемите ѕвезди ќе ги избегнат овие натпревари. Тоа се случи кога станува збор за двете најдобри. Постои можност за бегство од оваа казна, но само ако станува збор за повреда или некоја друга причина поврзана со виша сила.
Двете не се единствените на кои им се одземени бодови. Коко Гоф, Аманда Анисимова и Медисон Киз исто така поминаа низ истото, но им беше одземено помалку.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
