Арина Сабаленка го потврди статусот на најдобра тенисерка на денешницата откако Белорусинката се закити со трофејот во Мајами, во финалето совладувајќи ја домашната миленичка Коко Гауф со 2-1 во сетови.
Со овој триумф, Сабаленка стана само петта тенисерка во историјата што успеала да го комплетира така наречениот „Саншајн дабл“ (да стигне до трофеите во Индијан Велс и во Мајами во иста календарска година).
Последна на која тоа и успеало беше Швијонтек во 2022 година, а претходно вакво остварување имаше само уште три тенисерки, Штефи Граф, Ким Клајстерс и Викторија Азаренка.
Сабаленка почна одлично и го доби првиот сет со 6-2. Гауф возврати славејќи во вториот со 4-6, но првата носителка беше најдобра кога се решаваше победникот, стигна до брејк и со конечните 6-3 го одбрани трофејот што го освои и лани.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
