Сагата за трансферот на Душан Влаховиќ продолжува, а италијанските медиуми не престануваат да пишуваат за тоа каде ќе заврши српскиот напаѓач. Најверојатно Милан, а секојдневно се појавуваат нови детали и опции што ги имаат „росонерите“ и Јувентус.
Преговорите меѓу двете страни наводно се во застој, но тоа не значи дека нема да се постигне договор во август. Размена на играчи е најреалното решение. Влаховиќ во Милан, додека дефанзивец, кој и е потребен на „Старата дама“, би можел да оди во Торино.
Малик Тјао е опција, но како што пишува „Газета дело Спорт“, пореално е дека тоа ќе биде српскиот стопер Страхиња Павловиќ.
Јуве би добил централен дефанзивец во случај на заминување на Даниеле Ругани, додека Милан би ја добил „деветката“, која остана празна откако Лука Јовиќ го напушти клубот.
❗Milan are set to offer either Malick Thiaw (23) or Strahinja Pavlović (24) as part of a deal to sign Dušan Vlahović from Juventus, reports @Gazzetta_it pic.twitter.com/W61JDOcyqj
— Forza Juventus (@ForzaJuveEN) July 24, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
