Мохамед Салах се уште е заинтересиран за преселба во Про лигата во Саудиска Арабија ова лето, пренесуваат британските медиуми. Актуелниот договор на Египќанецот со Ливерпул истекува во јуни, а договор за продолжување се уште не е постигнат.
Во моментите на се повеќе шпекулации за неговата иднина на „Енфилд“, се појавија информации дека најсериозен кандидат за неговиот потпис сега е Ал Хилал во Саудиска Арабија.
Според Телеграф, Салах сепак сака да замине во Саудиска Арабија, но приоритет му е прво да слушне што има намера да му понуди Ливерпул. Минатата недела во египетските медиуми се појавија тврдења дека Ливерпул веќе започнал преговори со Рами Абас, агентот на Салах, за да се обиде да договори продолжување на соработката.
„Телеграф“ наведува и дека има мали шанси Салах да замине во Саудиска Арабија пред Светското клупско првенство ова лето, но официјална комуникација меѓу двете страни веќе постои.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
