По отказот за Карло Анчелоти, кој како што се знае следеше по притисокот кој го направија фудбалерите на Баерн Минхен врз раководството на клубот, се огласи и Хасан Салихамиџиќ кој на некој начин им се закани на играчите нагласувајќи дека сега на нив е редот да покажаат што знаат на терен…
„Очекувам реакција од фудбалерите на терен на дуелот против Херта. Повеќе не сакам изговори. Сега е најважно гостувањето во Берлин. Ништо освен победа не ме интересира и фудбалерите мора да направат се да стигнат до тоа. На нив е ред“ – истакна Салихамиџиќ, кој како што е познато претходно информираше дека Вили Сањол е само моментално решение, а името на новиот тренер ќе се знае наскоро.
„Ги разгледуваме сите опции. Кога ќе дојдеме до конечна одлука ќе го именуваме новиот тренер“ – истакна Салихамиџиќ.
Засега најблиску до тренерската позиција е поранешниот стратег на Дортмунд, Томас Тухел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
