Македонската кошаркарска репрезентација до 20 години ги заврши првите подготовки за престојното Европско првенство кое ќе се одржи во Ерменија одигрувајќи четири пријателски натпревари во Романија од кои еден со романската репрезентација до 18 години.
Селекторот Горан Самарџиев не го крие задоволството од прикажаното на избраниците во овој дел од подготовките и верува во добар настап на шампионатот.
„Задоволен сум од досегашното залагање на момците, бидејќи, и тоа како, се борат за место во тимот. Засега имаме навистина добра атмосфера, и секој ден гледаме да напредуваме се повеќе и повеќе како репрезентација, без разлика на тоа што овие момци немаат, ама скоро никакво, прволигашко искуство.
Ќе дадеме максимум на секој тренинг и „контролите“ кои следуваат, се со цел да се спремиме што е можно подобро за Европското првенство во Ерменија. Секој од нас мора да даде 110 отсто од своите можности за репрезентацијата и за Македонија“, изјави Самарџиев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
