Наполи повторно не успеа да врзе три победи во Калчо-лигата откако актелниот првак вечерва на домашен терен одигра само 1-1 против составот на Торино.
Првото полувреме заврши без голови, но затоа многу поинтересно беше во вторите 45 минути. „Наполитанците“ први поведоа преу Кварацкелија, кој одлично се снајде и мајсторски ја смести топката во мрежата со удар од десетина метри.
Радоста кратко траеше бидејќи нецели две минути подоцна Торино стигна до израмнување, домаќините катастрофално бранеа по еден корнер, па одбиената топка стигна до Санабрија кој со ножички од пет метри го совлада Мерет.
Наполи тргна во офанзива, но „сино-белите“ немаа среќа во завршницта по двата обида на Кварацкелија, првиот заврши во гредата, а вториот сантиметри над голот на Торино. Актуелниот италијански шампион остана на седмото место, со два бода помалку и меч повеќе во однос на Аталанта на шестата позиција, со огромни 28 бода заостанување во однос на лидерот Интер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
