Зад Шарунас Јасикевичиус е уште еден неуспех на клупата на Барселона откако литванскиот стратег не успеа да стигне ни до полуфиналето на Купот на Шпанија. На патот на каталонците застана Уникаха уште во четвртфиналето, а подоцна преку Реал Мадрид и Тенерифе тимот од Малага стигна и до трофејот.
Договорот на младиот стратег со каталонскиот клуб важи до крајот на сезоната, а доколку не ја освои Евролигата ќе мора да најде нов ангажман, пренесуваат шпанските медиуми. Литванцеот седна на „жешкото столче“ на местото на Светислав Пешиќ, но и покрај тоа што се очекуваше да го донесе тимот на следното ниво, не успеа во својата намера.
Како потенцијална замена се јавува Чави Паскал, последниот тренер кој и ја донесе евролигашката титула на Барселона во 2010 година, додека доколку замине од Шпанија, нема да биде изненадување Јасикевичиус да се врати во уште еден свој поранешен клуб, Панатинаикос.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
