Ненад Димитријевиќ е се поблиску до заминување од Валенсија, откако шпанскиот клуб почна да носи нови засилувања на плејмејкерската позиција откако беше промовиран како нов евролигаш.
Македонскиот репрезентативец имаше сосема солидна прва сезона, но во ангажманот на нови играчи на неговата позиција е лоша вест за Димитријевиќ. Според шпанските медиуми, Валенсија сериозно ја разгледува опцијата да го испрати Македонецот на позајмица, како прв кандидат се споменуваше Гран Канарија, а сега во трката се вклучува и Сарагоса.
Преговорите меѓу клубовите стартувале во текот на вчерашниот ден, а останува да се види дали тие ќе завршат успешно за Димитријевиќ по Хувентуд и Валенсија, да заигра и за трет клуб во шпанската АЦБ-лига.
Сарагоса е тим за кој пред извесно време настапуваше Лестер Бо Мекејлеб, но оваа екипа играше многу слабо минатата сезона, освојувајќи го 16. место и едвај обезбедувајќи опстанок во елитното друштво.
Hablaban @jaimemarch_ y @OlguitaLorente ayer del tema Neno Dimitrijevic.
Pues bien, las conversaciones para que el jugador recale como cedido esta próxima temporada en el @CasademontZGZ están en marcha, nos confirman.
Me añaden que va a ser parte de un acuerdo más amplio…— www.encestando.es (@webEncestando) July 21, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
