Тренерот на Лацио, Маурицио Сари проговори за понудата која ја имал од тим од Саудиска Арабија. Тој рече дека финансиски била одлична, но не ги следел парите, туку срцето, и затоа се одлучил на крајот за италијанскиот тим.
Сари, практично се врати во Лацио после една година пауза, откако го водеше овој тим од 2021 до 2024 година, а претходно беше дел од Јувнетус, Челси и Наполи.
„Оваа година имав разговори од саудиски тим. Таму би заработил за еден месец колку што би заработил за една година во Лацио. Но, реков дека ќе го следам срцето, а не парите. Не ме интересираат парите. Отсекогаш сум го сакал фудбалот поради страста, и не сакам да го работам ова поради пари. И згора на тоа, би ми било тешко да работам таму“, рече Сари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
