Саша Везенков е МВП во Евролига

  • Екипа
  • 18.05.2023 / 12:06
  • СПОДЕЛИ:

Кошаркарот на Олимпијакос Саша Везенков е прогласен за најкорисен играч (МВП) во сезоната 2022/23 во Евролигата.

Бугарскиот репрезентативец сезонава имаше по 17,2 поени по натпревар, а неговиот просечен индекс на корисност беше извонредни 21,2.

Зад себе има одлична сезона. Го предводеше Олимпијакос до првото место во лигашкиот дел од сезоната, а потоа и во четвртфиналето во одличната пресметка со Фенербахче.

„Тоа е голема чест за мене, но ова не менува ништо. Ќе бидам истата личност која работи напорно и се обидува да оди напред. Ова е тимски спорт, ако вашиот тим не е на високо ниво, не можете ни вие. Ова е само дополнителен мотив да продолжам да работам и да си докажам дека можам да бидам константен. Во спортот најтешко е да се биде постојан, се надевам дека ова е само почеток“, рече Везенков.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...