Селекторот на Англија, Герет Саутгејт го објави списокот на репрезентацијата за јунските натпревари во квалификациите за ЕП 2024. Англија на 19. јуни на „Олд Трафорд“ ја очекува пресметката и со Македонија на патот за ЕВРО 2024.
Нема поголеми изненадувања на списокот на Саутгејт на кој се бројни ѕвезди на англискиот фудбал.
На списокот на англиската селекција се голманите: Сем Џонстон, Џордан Пикфорд и Арон Рамсдејл, во одбраната се повикани Трент Александер-Арнолд, Луис Данк, Марк Гуеи, Хари Мегваер, Тајрон Мингс, Лук Шо, Џон Стоунс, Киеран Трипие и Кајл Вокер, додека во средниот ред: Џуд Белингам, Еберечи Езе, Конор Галагер, Џордан Хендерсон, Калвин Филипс и Деклан Рајс, како и напаѓачите: Фил Фоден, Џек Грилиш, Хари Кејн, Џејмс Мeдисон, Маркус Рашфорд, Букајо Сака и Калум Вилсон.
Натпреварот меѓу Англија и Македонија се игра на 19. јуни на „Олд Трафорд“ со почеток од 20.45 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
