Македонскиот репрезентативен блокер Филип Савовски се закити со нов трофеј во својата кариера откако неговата Војводина го освои трофејот во Купот на Србија славејќи со 3-1 (25-22, 22-25, 25-22, 25-21) во големото финале против Млади Радник.
За српскиот клуб и Македонецот кој натпреварот го заврши со седум реализирани поени тоа е втор трофеј оваа сезона откако претходно „црвено-белите“ стигнаа и до оној во Суперкупот на Србија.
„Го освоивме вториот трофеј оваа сезона. За нас е од големо значење со оглед на тоа што влеговме со сезоната без амбиции за трофеј. Мислам дека остваривме голем успех и се надевам дека ќе продолжиме вака. Имавме тежок пат до финалето, но мислам дека дадовме максимум и заслуживме да го добиеме натпреварот“, изјави Савовски по средбата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
