Повеќе од возбудлив натпревар меѓу Брегалница и Ренова на теренот на ФФМ во Скопје.
И покрај тоа што Брегалница се до последните 15 минути од средбата имаше предност од 2-0, на крајот дозволи два гола во 77. и во 80. минута на противниците за конечни 2-2.
„Сините“ од Штип завршија и со два црвени картони, кои се чини беа престрого доделени. Најпрво во 45. минута втор жолт картон поради симулација на пенал доби Додев, а потоа во 80. минута по направен пенал црвен картон доби и капитенот на Брегалница, Даниел Мојсов.
А, на крајот од мечот, зачудувачки, „гипсарите“ беа тие кои беа револтирани на главниот судија, па претставници на Ренова се впуштија и кон судиската тројка, но беа запрени од секогаш максимално коректниот Ќатип Османи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
