ЕКИПА во Разград, Бугарија
Владимир Булатовиќ
Домаќините овде во Шумен, најблискиот поголем град до Разград, каде утре ќе се игра првиот натпревар меѓу Бугарија и Македонија од Лигата на нации најавуваат силна поддршка за бугарската селекција на средбата со репрезентацијата на Благоја Милевски.
Според најавите, „Хувефарма арената“ во Разград ќе биде исполената до последното место а е со капацитет од 10.000 седишта.
Одлуката на Бугарскиот фудбалски сојуз да се игра во Разград се чини е од единствена причина, да се избегне Софија која е далеку поблиску до Македонија и значително полесно ‘достапна’ за бројни македонски фанови. Со Разград се овозможува главно на домашните навивачи да присуствуваат на мечот, иако е најавено присуство и на околу 200 македонски навивачи.
Бугарија досега во својата историја одиграла само 36 натпревари надвор од Софија, и тоа најголем број на стадионот во Бургас. Од нив, Бугарите запишале 17 победи на натпреварите кои ги одиграле надвор од главниот град.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
