Фудбалскиот клуб Ливерпул се огласи по повод трагичната смрт на Диого Жота.
Од клубот побараа да се почитува приватноста на семејството и најблиските роднини и пријатели на фудбалерот, и дека нема да дава дополнителни коментари во моментов.
„Фудбалскиот клуб Ливерпул е скршен од трагичната смрт на Диого Жота.
Клубот е информиран дека 28-годишникот починал во сообраќајна несреќа во Шпанија, заедно со неговиот брат Андре.
ФК Ливерпул нема да дава дополнителни коментари во овој момент и бара да се почитува приватноста на семејството, пријателите, соиграчите и персоналот на Диого и Андре, додека се обидуваат да се помират со незамисливата загуба.
Ќе продолжиме да им ја пружаме нашата целосна поддршка“, стои во соопштението на клубот.
И останатите премиерлигаши изразија длабоко сочувство за смртта на португалскиот фудбалер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
