Јаник Синер, рекетот број еден во светот, моментално е во центарот на вниманието поради допинг скандалот кој ја потресе тениската јавност.
Овој случај не предизвика интерес поради неговиот спортски успех, туку поради позитивните допинг тестови за забранетиот анаболичен стероид клостебол. Синер двапати беше позитивен на тестот, прво за време на турнирот во Индијан Велс на 10 март, а потоа осум дена подоцна.
Како последица на овој скандал, Синер реши да раскине со неговиот тренер Умберто Фераро и физиотерапевтот Ѓакомо Налди. Синер тврдеше дека тие двајца се одговорни за тоа што забранетата супстанца му влегла во телото. Иако првично ги задржа во својот тим, притисокот од јавноста и медиумите беше преголем, што доведе до нивно отказ непосредно пред почетокот на УС Опен.
Налди се огласи на социјалните мрежи, изразувајќи го својот став за ситуацијата. Во своето емотивно обраќање, Налди изрази незадоволство од начинот на кој медиумите го третираат случајот
„Навистина е точно дека постојат два правци на правдата: вистинската која се однесува на санкциите на судовите и онаа (за жал поефективна) која вклучува санкции од страна на медиумите. Последново е премногу често површно и ретко се заснова на конкретни факти, кои во овој случај, згора на тоа, се јавни. Како гледач, отсекогаш се прашував која е целта кога правниот случај се претвора во спектакл, ако не да се судат, прават или уништуваат луѓето и нивниот углед. Денес, кога јас сум протагонист, имам потврда за тоа!
Пред година и половина се приклучив на една фантастична група составена од добри луѓе, одлични професионалци, сопатници. Со нив доживеав моменти на радост и болка, споделував емоции, уживав во победи и доживеав порази. Создадов силна врска со луѓето од оваа група, но пред се успеав да постигнам големи цели, кои ни помогнаа да влеземе во историјата на италијанскиот тенис.
Горд сум што бев дел од овој голем тим, свесен дека бев 100 отсто професионален, но и што дадов повеќе, затоа што кога ќе го вложиш срцето во него, дефинитивно даваш повеќе. Ме боли да мислам дека повеќе не сум дел од тоа, тешко е да не бидам во бокс со тимот и да навивам за Јаник, но ќе мора брзо да се навикнам на тоа.
Ви благодарам Вањо, Дарен, Умбе, Ципо, тоа беше прекрасно патување, незаборавна приказна. Му должам благодарност и на Јаник, со среќа, шампион си. “Продолжи да победуваш!” напиша Налди.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
