Европското здружение на клубови подготви предлог нов формат за Лигата на шампионите кој би се активирал од 2024 година.
Најголемата промена е тоа што гледачите ќе имаат можност да гледаат многу повеќе натпревари, што ќе значи и многу поголема заработка за сите вклучени. Дури 21 натпревар ќе треба да се одиграат за да се стигне до трофејот во ЛШ, а новиот формат би изгледал вака:
- Во групната фаза ќе учествуваат 32 клуба поделени во четири групи со по осум тим. Четирите најдобри од секоја група оди во нокаут фазата, а петтопласираниот од секоја група би имал сигурно учество во ЛШ следната сезона, додека шесто и седмопласираните би играле доигравање за опстанок во најелитното клупско натпреварување. Осмопласираните екипи би играле плеј-оф за влез во Лига Европа следната сезона.
Бројни клубови од Шпанија, Германија и Италија се согласуваат со овој предлог, но големата шестка од Англија, Манчестер сити, Ливерпул, Тотенхем, Челси, Манчестер јунајтед и Арсенал категорично е против. Сличен предлог има и за форматот на Лига Европа, а веќе се подготвува и ново, трето, европско клупско натпреварување.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА