Селекторот на Казахстан, Али Алиев поднесе оставка по „дебаклот“ од Белгија од 6-0 во квалификациите за Светското првенство. Останува да се види дали ќе биде прифатена неговата оставка, и доколку биде, тогаш овој тим во Скопје ќе гостува со нов селектор на 13. октомври.
Алиев по натпреваро се заблагодари на довербата, и кажа дека ќе напише изјава во која ќе ја поднесе оставката до федерацијата.
„Ја преземам вината за овој пораз. Ќе напишам изјава и ќе поднесам оставка“, рече Алиев.
Поразот беше четврти по ред за Казахстан во квалификациите, со вкупна гол разлика од 1-12. Тимот е четврти во групата Ј со три бода од пет меча, победувајќи го само Лихтенштајн, и нема никакви шанси за пласман на Мундијалот следната годна.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
