За првпат во меѓусебните натпревари репрезентацијата на Летонија остана непоразена во пресметката со Македонија. Синоќешниот натпревар во Скопје заврши без голови 0-0, во меч во кој и двете селекции можеа да стигнат до победа, со оглед дека имаа шанси.
Паоло Николато, селекторот на Летонија по натпреварот истакна дека е горд на фудбалерите, и задоволен е од играта на неговата селекција против, како што рече, силен противник како Македонија.
„Одигравме добар натпревар против силен противник. Горд сум на момците, на ставот и перформансите што ги покажаа на теренот. И покрај отсуството и повредите на многу играчи за време на натпреварот, сите играчи ја покажаа својата вредност и целокупниот раст на тимот. Создадовме неколку добри можности за постигнување голови, а некои од нив ги создадовме со одлични акции. Големо задоволство е за сите нас да ги видиме нашите играчи како играат со таков квалитет и храброст“, рече селекторот Николато.
За Летонија сега останува уште последниот меч во квалификациите, против Србија во Лесковац.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
