Фудбалската федерација на Египет соопшти дека спогодбено ја прекинува соработката со селекторот Карлос Квеирош по неуспехот на оваа репрезентација во обидот да се квалификува за СП 2022.
Предводени од голгетерот Мохамед Салах, Египќаните не успеаја да се квалификуваат за Светското првенство во Катар оваа година, а во баражот беа елиминирани од селекцијата на Сенегал, која претходно го совлада Египет и во финалето на Африканскиот куп на нации.
Во својата богата кариера, португалскиот стратег Карлос Квеирош ги водеше и селекциите на Португалија, Обединетите Арапски Емирати, Јужна Африка, Иран и на Колумбија, а беше и шеф на стручниот штаб и на Реал Мадрид и Спортинг Лисабон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА