Норвешкиот состав Бодо Глимт приреди сензација во третото коло од Конференцикската лига откако на домашен терен ја „торпедираше“ Рома со убедливи 6-1. Голадата Норвежаните ја започнаа во 8. минута од мечот со голот на Ботем, во 20. минута Берг донесе 2-0, а Перез во 28. минута успеа да ја намали негативата на италијанскиот состав.
Жозе Мурињо за второто полувреме направи три замени и се чинеше дека Рома ќе успее да изедначи, но следеше нов шок откако во 52. минута Ботем повторно стрелаше за домаќините, а „ладниот туш“ беше комплетиран од 71. до 80. минута во која Норвежаните со три гола за девет минути ги испратија Италијанците дома.
Kampen er over! Glimt vinner 6-1 over Roma på Aspmyra 💛 6-1. Mot Roma.
Gratulerer til alle. Til hele Bodø, Nordland og alle med helgult hjerte! Vær stolt av kor du e fra! pic.twitter.com/dTZwTfQNBb
— FK Bodø/Glimt (@Glimt) October 21, 2021
Во третото коло не се прослави ниту фаворизираниот Тотенхем кој загуби на гостувањето кај Витесе со 1-0. Стрелецот на единствениот гол на натпреварот беше Витек во 78. минута. Со овој пораз лондонскиот тим останува на третото место на табелата со четири освоени бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
