Швајцарскиот тенисер Роџер Федерер заврши со натпреварувањето на УС Опен откако во осминафиналето загуби од Австралиецот Џон Милман.
Милман приреди вистинска сензација славејќи против вториот светските тенисер со 3-1, по сетови 3-6,7-5,7-6,7-6. Федерер одлично го отвори мечот, но по добрата играта во првиот сет потоа не успеа да му се спротистави на расположениот противник.
Милман третиот сет го доби откако во тај-брекот беше подобар со 9-7, па поведе со 2-1 во сетови, а на сличен начин го освои и четвртиот сет за конечна победа.
Австралиецот, кој е 55-ти тенисер во светот, во четвртфиналето ќе се соочи со Новак Ѓоковиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
