Ракометарите на францускиот Монпелје приредија вистинска сензација откако вечерва на домашен терен го прегазија германскиот Кил со 39-30 во првиот натпревар од четвртфиналето во Лигата на шампионите.
Домаќините одиграа неверојатно прво полувреме во кое на противникот успеаја да му дадат дваесет гола и веќе на пауза да имаат плус четири 20-16. Во вториот дел домаќините само ја зголемија разликата за убедливи 39-30.
Пелас и Лене со по седум гола беа најефикасни кај победникот, додека кај поразените Ерик Јохансон постигна осум гола.
Реваншот е за седум дена во Германија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
