Поранешната тенисерка број еден во светот, Серена Вилијамс се повлече од Мастерсот во Мадрид кој ќе се одржува следната недела. Вилијамс соопшти дека по паузата поради мајчинство, потребно и е подолго време за подготовка за турнирите на земјена подлога. Америкнаката со 23 гранслем титули годинава настапуваше на Индијан Велс и на Мајами опен, но доживеа рани елиминации. Тоа и беа единствените настапи на ВТА турнири во 2018 година.
Серена Вилијамс има две титули од Мадрид. На овој турнир триумфираше во 2012 и во 2013 година.
„Исклучително ни е жал што Серена нема да биде во Мадрид. Таа е една од најголемите имиња на нашиот спорт, нејзиното присуство секогаш привлеку внимание. Се надевам дека повторно ќе ја гледаме на следните изданија на турнирот во Мадрид“ – изјави организаторот Маноло Сантана.
Серена Вилијамс од септември минатата година правеше неколкумесечна пауза поради мајчинство. Оваа година има одиграно четири сингл мечеви.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
